|
|
           |
As klein kindjie in Bremen het Hanna X al begin droom oor wat anderkant die stilte lê, waar die wind vandaan kom en palmbome wuif in die son. Haar kans om te ontvlug uit jare van mishandeling in ’n weeshuis en as diensmeisie, kom wanneer die owerhede in Berlyn in die vroeë jare van die 20ste eeu begin om meisies te werf om in Duits Suidwes-Afrika die manlike koloniste se behoefte aan vroue te verlig. As sy dit waag om haar te verset teen die attensies van ’n Duitse offisier op die trein tussen Swakopmund en Windhoek, word sy op onmenslike wyse gestraf en beland sy in die lugubere bouwerk van Frauenstein, diep in die woestyn. Uit dié bestaan van lewende dood word sy geskok wanneer die enigste mens met wie sy enige aanraking het, die jong meisie Katja, bedreig word met verkragting. Dit is dan dat Hanna X in opstand kom en ’n byna surrealistiese leërtjie op die been bring om die volle mag en geweld van die Duitse Ryk aan te pak en daarmee haar en Katja se menswaardigheid en se vroulikheid te bevestig. Hul apokaliptiese trek deur die woestyn word ook ’n reis deur die verborge streke van die gees en ’n openbaring van die dieper betekenisse van lyding, wraak, verraad, medelye, liefde en lojaliteit Price:
Chris Minnaar is ’n 78-jarige skrywer wat op sy oudag vir die soveelste keer verlief raak. Maar Rachelle is getroud, en deur haar raak Chris ook betrek in ’n vriendskap met haar man, ’n fotograaf. Dit is ’n baie intense driehoekige verhouding, wat hom daartoe bring om sy hele lang lewe in oënskou te neem, deur die lens van al die vroue by wie hy ooit betrokke was en wat elkeen op die een of ander manier ’n sleuteloomblik in die Suid-Afrikaanse geskiedenis van die 20ste eeu verteenwoordig. Hulle wissel vanaf sy ma (nou 103 jaar oud) tot die verleidelike Driekie wat hy as dertienjarige seun in ’n vyeboom leer ken het, vanaf die besete danseres Daphne tot die yskoningin Isolde ... Party van hierdie liefdes is uitbundig, ander volkome kuis. Party het nooit eens gebeur nie, want vir ’n skrywer is die lewe van die verbeelding ewe belangrik as dié in die werklikheid. Price:
In haar derde roman spreek EKM Dido 'n netelige saak aan: rasse-vooroordeel binne die bruin gemeenskap. Nancy Karelse, gelukkig getroud en woonagtig in die Wes-Kaap, word skielik deur emosioneel slopende nagmerries geteister. Deur bemiddelling van 'n Xhosa sangoma, 'n wyse ou vrou wat deur haar bruin aanneemouers ingeroep word, kom sy by die wortel van die saak uit: sy het haar swart herkoms eers doelbewus en later onnadenkend misken. Met die aanvaarding van haar Fingo-bloed sit sy 'n hele kettingreaksie van verwerping en polarisasie aan die gang. Dido se belangrikste roman tot dusver. Price:
Leila se huwelik is verby sy sell-by-date. Sy het dit nie in haar om bek te hou en onderdanig te wees nie. Die ander saak wat swaar op haar gemoed le, is die selfmoord van `n intieme vriend, die beeldhouer Jerome. Hoe hou die self-moordbrief wat hy vir haar agtergelaar het verband met die beeldegroep wat sy laaste werk was? Price:
softcover 221 pages Al maak Rika `n bestaan deur liefdesverhale te verkoop waarin hygende heldinne telkens deur aantreklike spierpaleise "gered" word, is haar finansiele en emosionele onafhanklikheid ononderhandelbaar, dankie Price:
|
